25. Sē Hǣlend him andswarode and cwæþ, Ic spece tō ēow, and gē ne gelȳfað; þå weorc þe ic wyrce on mīnes Fæder naman, þā cȳþaþ gewitnesse be mē.[1]
26. Ac gē ne gelȳfað, for þām þe gē [ne] synt of mīnum scēapum.[2]
27. Mīne scēap gehȳraþ mīne stefne, and ic gecnāwe hig, and hig folgiað mē;
28. and ic him sylle ēce līf, and hig ne forwurðaþ nǣfre, and ne nimð hig nān man of mīnre handa.[3]
29. Þæt þe mīn Fæder mē sealde is mǣrre þonne ǣnig ōðer ðing; and ne mæg hit nān man niman of mīnes Fæder handa.[4]
30. Ic and Fæder synt ān.[5]
31. Đā Iudeas nāmon stānas þæt hig woldon hyne torfian.
32. Sē Hǣlend him andswarode and cwæð, Manega gōde weorc ic ēow ætēowde be mīnum Fæder; for hwylcum þǣra weorca wylle gē mē hǣnan?[6]
33. Þā Iudeas him andswaredon and cwǣdon, Ne hǣne we ðē for gōdum weorce; ac for þīnre bysmorspǣce; and for þām þe þū eart man, and wyrcst þē tō Gode.[7]
