Page:Gospel of Saint John in West-Saxon.djvu/133

28. Ic fōr fram Fæder, and cōm on middaneard; eft, ic forlǣte middaneard, and fare tō Fæder.^[1]

29. His leorningcnihtas cwǣdon tō him, Nū ðū sprycst openlīce, and ne segst nān bigspell.

30. Nū wē witon þæt þū wāst ealle ðing, and þē nis nan þearf þæt ǣnig þē āxie; on ðyson wē gelȳfað þæt þū cōme of Gode.^[2]

31. Sē Hǣlend him andswarode and cwæð, Nū gē gelȳfað?

32. Nū cōm tīd and cymð þæt gē tōfaron ǣghwylc tō his āgenon, and forlǣton mē ānne; and ic ne eom āna, for þām mīn Fæder is mid mē.^[3]

33. Ðās þing ic ēow sǣde, þæt gē habbon sibbe on mē. Gē habbað hefige byrðene on middanearde; ac getrūwiað; ic forswīðde middaneard.^[4]

CAPUT XVII

Ðys godspel gebyrað on wōdnesdæg on þǣre gangwucan tō þām uigilian.

1. Ðās þing sē Hǣlend spræc, and āhōf upp his ēagan tō heofenum, and cwæð, Fæder, tīd ys^[5]

1. B, ic for fram fæder... middaneard supplied by the scribe on the margin.
2. B, C, þierf; A, acsige; A, þysum.
3. A, hys agenum; A, ænne.
4. A, byrþena; A, oferswyðe, B, C, oferswiðde.
5. A, inserts rubric after spræc, and then resumes, Se hælend ahof up hys eagan (for and ahof etc.).