xix, 6]
Secundum Iohannem
99
1. Đā nam Pilatus þone Hǣlend, and swang hyne.[1]
2. And þā þēnas wundon þyrnenne cynehelm, and āsetton hyne on his hēafod, and scrȳddon hyne mid purpuran rēafe;[2]
3. and hī cōmon tō hym, and cwǣdon, Hāl bēo ðū, Iudea Cyning! and hī plætton hyne mid hyra handum.[3]
4. Đā ēode Pilatus eft ūt, and cwæð, Nū ic hyne lǣde hider ūt tō ēow, þæt gē ongyton þæt ic ne funde nānne gylt on him.[4]
5. Þā ēode sē Hælend ūt, and bær þyrnenne cynehelm and purpuran reaf. And [Pilatus] sǣde him, Hēr is mann![5]
6. Witodlīce þā þā bisceopas and ðā þegnas hine gesāwon, ðā clypodon hig and cwǣdon, Hōh hyne, hōh hyne. Đā cwæð Pilatus tō him, Nime gē hine and hōð; ic ne funde nānne gylt on him.[6]
- ↑ B, C, ðæne.
- ↑ A, ðegnas; B, C, cynehielm; C, om. mid.
- ↑ A, heora.
- ↑ A, þa eode eft pilatus ut (changed order); A, lædde (second d dotted for deletion); A, ongiton; A, nænne gilt.
- ↑ A, þyrnene; Corp., B, purpuren, A, C, purpuran; A, and [pilatus to þam iudeiscum] sæde hym her ys [se] man (the bracketed words are inserted above the line).
- ↑ A, nænne.
