ic dēme swā swā ic gehȳre, and mīn dōm is ryht, for ðām ic ne sēce mīnne willan [ac þæs] þe mē sende.[1]
31. Gif ic gewitnesse be mē cȳþe, mīn gewitnes nis sōð.
32. Ōþer is sē ðe cȳþ gewitnesse be mē; and ic wāt þæt sēo cȳðnes is sōð þe hē cȳþ be mē.[2]
33. Gē sendon tō Iohanne, and hē cȳðde sōþfæstnesse gewitnesse.
34. Ic ne onfō gewitnesse fram menn; ac þās þing ic secge þæt gē sȳn hāle.[3]
35. Hē wæs byrnende lēohtfæt and lȳhtende; gē woldon sume hwīle geblissian on his lēohte.
36. Ic hæbbe māran gewitnesse þonne Iohannes; witodlīce þā weorc þe Fæder mē sealde þæt ic hig fullfremme, ðā weorc þe ic wyrce cȳþað gewitnesse be mē þæt Fæder mē āsende.[4]
37. And sē Fæder þe mē sende cȳþ gewitnesse be mē. Nē gē nǣfre his stefne ne gehȳrdon, nē gē his hīw ne gesāwon.[5]
38. And gē nabbað his word on ēow wunigende; for þām þe gē ne gelȳfað þām ðe hē sende.[6]
- ↑ Corp., B, C, omit ac þæs, A, ac þæs.
- ↑ A, B, C, cyðnys.
- ↑ A, men.
- ↑ A, omits þæt Fæder me asende. And se Fæder þe me sende, cyþ gewitnesse be me (homœoteleuton); C, ge (imperfect e in place of ne after hiw)
- ↑ A, omits þæt Fæder me asende. And se Fæder þe me sende, cyþ gewitnesse be me (homœoteleuton); C, ge (imperfect e in place of ne after hiw)
- ↑ A, wuniende.
