hē geseh twēgen gebrōðru, Symonem, sē wæs genemned Petrus, and Andream his brōþor, sendende hyra nett on þā sǣ; sōðlīce hī wǣron fisceras.[1]
19. And hē sǣde him, Cumað æfter mē, and ic dō þæt gyt bēoð manna fisceras.[2]
20. And hī þǣrrihte forlēton hyra net, and him fyligdon.[3]
21. And þā hē þanon ēode, he geseh twēgen ōðre gebrōþru, Iacobum Zebedei and Iohannem his brōþur, on scype mid hyra fæder Zebedeo, rēnigende hyra nett, and hē clypode hī.[4]
22. Hī ðā sōna forlēton hyra nett and hyra fæder, and him fylidon.[5]
23. And þā befērde sē Hǣlend ealle Galileam, lǣrende on hyra gesomnungum; and hē wæs bodiende godspel þæs rīces, and hǣlende ǣlce ādle and ǣlce untrumnysse on þām folce.[6]
24. And ðā fērde hys hlīsa intō ealle Syriam; and hī brōhton him ealle yfel hæbbende missenlīcum ādlum and on tintregum gegripene, and