21. Gē gehȳrdon þæt gecweden wæs on ealdum tīdum, Ne ofsleh þū; sē þe ofslihð, sē byð dōme scyldig.[1]
22. Ic secge ēow sōþlīce þæt ǣlc þe yrsað hys brēþer byð dōme scyldig; sōþlīce se þe segð hys brēðer, þu āwordena, he byð geþeahte scyldig; sē þe segð, Þū stunta, sē byþ scyldig helle fȳres.[2]
23. Eornostlīce gyf þū bringst þīne lāc to wēofode, and þū þǣr geþencst þæt ðīn brōðor hæfð ǣnig þing agēn ðē,[3]
24. lǣt þǣr þīne lāc beforan þām altare, and gang ǣr and gesybsuma wið þīnne brōðer, and þonne cum þū syððan and bring þīne lāc.[4]
25. Bēo þū onbūgende þīnum wiðerwinnan hraðe, þā hwīle þe ðū eart on wege mid him; þē lǣs þe ðīn wiðerwinna þē sylle ðām dēman, and sē dēma þē sylle ðām þēne, and þū sȳ on cwertern send.[5]
26. Sōþes ic secge þē, Ne gǣst þū þanone, ǣr ðū āgylde þone ȳtemestan fēorðling.[6]
- ↑ B, ofslyh; A, biþ domes.
- ↑ A, segð to his breðer; B, sægð (twice).
- ↑ B, wefode; A, þar; Corp., geþencgst, A, B, geþencst; A, broðer; Corp., hæfð ænig þing (on the margin).
- ↑ A, þar.
- ↑ A, raðe; A, beo (for eart); A, þy læs (om. þe); A, cweartern.
- ↑ A ic þe secge (changed order); A, ðanene; A, ytemystan; Corp., feorðlingc, A feorðling, B, feorðlinge.
