20. And hī ǣton ealle and wǣron gefyllede; and hī nāmon þā lāfa, twelf wylian fulle þǣra gebrytsena.[1]
21. Sōþlīce þǣra etendra getæl wæs fīf þūsenda wera, būtan wīfum and cildum.[2]
22. And þā sōna hēt sē Hǣlend his leorningcnihtas on scyp āstīgan, and tōforan him faran ofer þone mūþan, oð þæt hē þā menegu forlēte.[3]
23. And þā hē hig forlǣten hæfde, hē ēode on þone munt, and hyne þǣr āna gebæd; sōþlīce þā hyt ǣfen wæs, hē wæs āna þǣr.[4]
24. Witodlīce wæs þæt scyp of þām ȳþum tōtorfod; for þām þe hyt wæs strang wind.[5]
25. Þā cōm sē Hǣlend embe þone fēorþan hancrēd tō him, ofer þā sǣ gangende.[6]
26. Đā hī gesāwon þæt, hī wurdon þā gedrēfede, and for þām ege clypodon and cwǣdon þus, Sōþlīce hyt ys scīnlāc.[7]
27. Đā spræc sē Hǣlend and cwæþ, Habbaþ gelēafan; ic hyt eom; nellen gē ēow ondrǣdan.[8]
28. Đā andswarode him Petrus and cwæð, Drih-[9]