mony a day hae I wrought my stocking, and sat on my sunkie under that saugh."
"Hout, deil's i' the wife, wi' her saughs, and her sunkies, and Ellangowan–God-sake woman, let me away—there's saxpence t'ye to buy half a mutchkin, instead o' clavering about thae auld warld stories."
"Thanks to ye, good-man—and now ye hae answered a' my questions, and never speired wherefore I asked them, I'll gie you a bit canny advice, and ye mauna spier what for neither. Tib Mumps will be out wi' the stirrup-dram in a gliffing—She'll ask ye whether ye gang ower Willie's brae, or through Conscowthart moss—tell her ony ane ye like, but be sure (speaking low and emphatically) to take the ane ye dinna tell her." The farmer laughed and promised, and the gypsy retreated.
"Will you take her advice?" said Brown, who had been an attentive listener to this conversation.
"That will I no—the randy quean!—Na, I had far rather Tib Mumps kend which
