Page:Guy Mannering Vol 2.djvu/352

it an odd thing that ilka waf carle in the country has a son and heir, and that the house of Ellangowan is without male succession?' There was a gypsey wife stood ahint and heard her—a muckle stoor fearsome-looking wife she was as ever I seteen on,—'Wha is it,' says she, 'that dare say the house of Ellangowan will perish without male succession?' My mistress just turned on her—she was a high-spirited woman, and aye ready wi' an answer to a' body. 'It's me that says it, says she, that may say it wi' a sad heart.' Wi' that the gypsy wife gripped till her hand, 'I ken you weel eneugh,' says she, 'though ye ken na me—But as sure as that sun's in heaven, and as sure as that water's rinning to the sea, and as sure as there's an e'e that sees, and an ear that hears us baith—Harry Bertram, that was thought to perish at Warroch Point, never did die there—he was to have a weary weird o't till his one-and-twentieth year, that was aye said o' him—but if ye live and I live, ye'll hear mair o' him