then to be put into the ground without ony decency, just like dogs. But they stick to it, that they'll be streekit, and hae an auld wife when they're dying to rhyme ower prayers, and ballants, and charms, as they ca them, rather than they'll hae a minister to come and pray wi' them—that's an auld threep o' their's; and I am thinking the man that died will hae been ane o' the folk that was shot when they burnt Woodbourne."
"But, my good friend, Woodbourne is not burnt."
"Weel, the better for them that bides in't. Odd, we had it up the water wi' us, that there was na a stane on the tap o' anither. But there was fighting, ony way; I dare to say, it would be fine fun! And, as I said, ye may take it on trust, that that's been ane o' the men killed there, and that it's been the gypsies that took your pockmanky when they fand the chaise sticking in the snaw—they wadna
