Ἐκ δ' Ἰθάκης ἐμνᾶτο Ὀδυσσῆος ἱερὴ ἴς,
υἱὸς Λαέρταο πολύκροτα μήδεα εἰδώς.
δῶρα μὲν οὔ ποτ' ἔπεμπε τανυσφύρου εἴνεκα κούρης·
ᾔδεε γὰρ κατὰ θυμὸν ὅτι ξανθὸς Μενέλαος
νικήσει· κτήνει γὰρ Ἀχαιῶν φέρτατος ἦεν· 25
ἀγγελίην δ' αἰεὶ Λακεδαιμονάδε προίαλλε
Κάσ[τ]ορ[ι θ' ἱ]πποδάμῳ καὶ ἀεθλοφόρῳ Πολυδεύκει.
μνᾶτο δ' [ . . . . . . . ο]νος υἱὸς
. . . . . . . . . . . ἔε]δνα
. . . . . . . . . . . ]λ[έ]βητας 30
* * * *
Κάστορι θ' ἱπποδάμῳ καὶ ἀεθλοφόρῳ Πολυδεύκει
ἱμείρων Ἑλένης πόσις ἔμμεναι ἡυκόμοιο
εἷδος οὔτι ἰδών, ἀλλ' ἄλλων μῦθον ἀκούων.
Ἐκ Φυλάκης δ' ἐμνῶντο δυ' ἀνέρες ἔξοχ' ἄριστοι,
υἱὸς τ' Ἰφίκλοιο Ποδάρκης Φυλακίδαο, 35
ἠύς τ' Ἀκτορίδης ὑπερήνωρ Πρωτεσίλαος.
ἄμφω δ' ἀγγελίην Λακεδαιμονάδε προΐαλλον
Τυνδαρέου π[οτ[ὶ δῶμα δαίφρονος Οἰβαλίδαο
πολλά δ' ἔεδν[α δίδον], μέγα γὰρ κλέος [ἔσκε γυ]ναικός,
χαλκ 40
χρυ[σ
* * * *
Ἀργείης Ἑλένης πόσις ἔμμενα[ι ἠυκόμοιο.
Ἐκ δ' ἀρ' Ἀθηνέων μνᾶθ' υἱὸς Π[ετεῶο Μενεσθεύς,
πολλά δ' ἔεδνα δίδου· κειμήλια γ[ὰρ μάλα πολλὰ
