but bids gae hame to their ain pariſh, filthy beggar dirt; ſhe caſts a’ her cauld paritch and kail to the cocks and hens, kicks the colley dogs out of the door, ca’s them filthy uſeleſs brutes, because they canna lay eggs, like hen’s eggs, ſhe’s ay fiyting on her laſſes, hungers her ſervant lad, eats cocks and hens herſel, and gars the poor miniſter eat ſaut herrin.
Mag.) A weel I wat then I wiſh he mayna turn a drunken body, for herrin maks fouk ay dry: But weel I wat Janet, ye hae tell’d their fauts on baith the sides, an I hae ae great faut to our miniſter yet, an tho’ I were dead an rotten the night afore the morn, I’ll neither forgi’ him nor yet forget him, a what he said o’ me, that I sude be ta’en an douket for offerin to marry again, a woman at my age; an auld man, ſaid he, ought to marry ſome kindly body, to keep him clean in his auld age; but an auld woman, ſaid he, that can waſh a dud ſark to themsels, needs nae men: And now no Janet, I am no to ca’ very auld, altho’ I be ſtricken in years, I dinna ken my ain age, being kirſen’d in the time o’ Papery, I hae the penny, thy’ bare o’ fleſh and blood, has four good teeth before, and weel willin gums in the backside, I canna gang far without a ſtaff, an yet I wad as ſain be married as whan I was fifteen year auld, O woman! but a man i’ the bed is an uſefu’ body, they hae a ſweet breath, and natural heat to keep a body warm; but an our
