Page:Hue & cry.pdf/5

5

An' S———tt got mounted on his mare.
An' after them rode without fear;
An' e'er that Lithgow they could mak',
S———tt was right close upo' their back;
(But L———d that S———tt, he is sae clever.
That faith I think he's fail me never:)
And he got past them in a hurry.
An' East the town rode like a fury,
An' blather d out a' he did ken,
'Bout the twa simple honest men.
Ane o' the twa bein' gay auld farrin,
Did sair suspec' the birkie's erran'
He thought ae pair o' heels was better,
Than twa pair hands try'd in the matter;
Sae out he jumped at the Port,
An' try'd his heels: he there ran for't,
Nae collie dog did e'er rin faster,
Sae fast he fled frae fear'd disaster;
The other drove the Gig right on,
Till ance he cam' into the town:
Then in a moment man an' wife,
Turn'd out to tak' his precious life;
For scarcely kend he whar' he was,
Till a' were round him in a bizz;
The Souters wi' their lasts an' brogues,
An' Tanners wi' their muckle clogs,
Did thump an' wound his hide sae sair,
That faith they thought he'd ne'er done maif
Yet they did leave some spunk within him.
An' in their black-hole did confine him.
The stocks secur'd———wi' muckle ire,
The Gig they broke an' burnt wi' fire.
About this I can say nae mair,
For that is a' that I did hear.