CLIMACIUM AMERICANUM, Brid.
Tab. 97.
Plantæ speciosæ, dendroideæ, rigidæ, gregariæ vel laxe cæspitosoæ, e flavescente virides.
Caulis secundarius e caule primario rhizoniatoideo subaphyllo valde tomentoso-radiculoso erectus, 2-4-uncialis, inferne simplex atque obscure squamoso-foliosus, superne in ramos confertissimos simplices raro ramulosos dissolutus, itaque arbusculam pulchre fingens.
Folia ramea et ramulina erecto-patentia, laxius imbricantia, e basi lata auriculis amplis undulatis praedita lanceolata, concava, superne grosse serrata, longitrorsum pluries plicata; costa sub apice evanescente; reti e cellulis exilissimis elongato-rbomboideis (illis auricularum subrotundis) exstructo; paraphylliis numerosis simplicibus et ramosis; perichætialia recta, arete vaginantia, elongata, tenui-acuminata, ecostata, laxius areolata.
Flores dioici quandoque (ut in icone) anormaliter monoici: plantæ masculæ fertilibus similes rarissimæ; floribus masculis aperto-gemmaceis polyphyllis numerosis, ad caulis apicem ramulorumque basin sitis.
Capsulæ aggregatæ, e caulis apice et ramulorum basi ortæ, elongato-cylindraceæ, rectæ vel leniter curvulæ, in pedicellis mediocris tenuibus erectæ, basi attenuatæ, exannulatæ; peristomii externi dentibus e basi lanceolata brevi subito longe subulatis dorso linea flexuosa notatis 35–40 articulatis rufo-aurantiis granulosis, interni ciliis dentes aequantibus linealibus perangustis carina primum inter articulationes lacunosis ætate per totam fere longitudinem biantibus, membrana basilari subnulla; operculo conico longirostro; calyptra angusta dimidiata torta basin capsulæ sæpe amplectante.
