SATVRA II Hunc, Macrine, diem numera meliore lapillo, qui tibi labentis apponit candidus annos. funde merum Genio. non tu prece poscis emaci quae nisi seductis nequeas committere divis. at bona pars procerum tacita libabit 1 acerra ; 5 haut cuivis promptum est murmurque humilesque susurros tollere de templis et aperto vivere voto. w mens bona, fama, fides " haec clare et ut audiat hospes ; ilia sibi introrsum et sub lingua murmurat : " o si ebulliat patruus, praeelarum funus ! " et " o si 10 sub rastro crepet argenti mihi seria dextro Hercule! pupillumve utinam, quem proximus heres inpelloj expungam ! namque est 2 scabiosus et acri bile tumet. Nerio iam tertia conditur 3 uxor ! " haec sancte ut poscas, Tiberino in gurgite mergis 15 mane caput bis terque et noctem flumine purgas?
libavit P. 2 namque est P 2 : nam est P 1 : nam et est aL.
3 ducitur Servius ap. Virg. Geo. iv. 256 ; vulgo conditur.
