8
When ye’re fu', he’s on the catch,
He’ll buy your blankets, corn, or watch.
Ye ⟨sharpers⟩ a’, though London reared,
Are a’ but cuiffs to Bauldy Baird.
Bauldy Baird can brag o’ gambles
Kens the airts o’ dark dissembling.
Bauldy Baird, can make a fen,
To cut the Jack at Catch-the-Ten.
Farmer bodies! watch your pease,
Hide your butter, eggs, and cheese;
For whether ripe, or in the braird,
It’s a’ ane to Bauldy baird.
O! close that slap there, lock that yate,
Else some stocks will tak’ the gate;
For Bauldy’s poney likes your grain,
Just as weel as 'twere his ain:
Stocks o’ corn, and shaves o’ pease;
Whiles your hens, and whiles yew geese
For, faith, he’s no so easy scared,
It’s a’ ane to Bauldy Baird.
On Bauldy Baird the law was vile,
To draw him on a cart to jail;
But Bauldy Baird, the pauky deevil,
Split the loop, and left the beagle;
O'er the dike and through the fie’ls,
Bauldy ran wi’ mettle heels.
Watch the corn stack, Robin Law,
For Bauldy Baird’s run awa’,
O rin, and let the bailie ken,
That Bauldy Baird's come again!
FINIS.
