koᵤłʼe′ᵢła wa′tak tsukᵘa′te· ma·k!ι′se·s. neᵢs yaqawutsiknakι′ske· nʼιt!qa.ox̣akι′n·e·. ta′x̣as ts!ιnałkι′n·e· wuu′ʼe·s. qaox̣ałpιsuqkι′n·e·. ta′x̣as łat.ts!ιna′x̣e· wa′tak aₐʽkιt.ła′e·s. łat_nax̣a′ʼmne·ts nʼιsaknu′ʼne·. qawun·ekι′t.se· ła·tιnmoqkupox̣unqa′mek q!u′tsaₐts. neᵢsts ma ya·‵qaqa′pske·ts o·k!una′muʼs ła.ι′nse·. sukwιłq!o′ᵤkᵤne·. mιtia′x̣ₐne·, nakamʼnwutskι′n·e·. qakeι′łne·: “huskwι′ʼqo′ᵤkᵤne· katι′te· kuła·‵upx̣ₐnamna·′ła.” ta′x̯as słqa·qa′sₐne·.
47. Coyote and Buffalo
Kqa·′namskι′n·ku·ts. nʼu′px̣ₐne· sak.ła′m·se· nι′łse·ks. qunya′x̣ₐneʼts nʼιłqanmι′te·. ta′x̣as ła·ts!ιna′x̣e· qa·na′x̣e·ts, neᵢs qałqa′tse·ts ła·man·qa′ₐtse· neᵢs ma yaₐqana′mke·. qa·na′x̣e· słałax̣a′x̣e· neᵢs ma yaqa·k.ła′mske·. qałao·′q!ᵘkᵘa qa′pse· neᵢs a′ₐk.ła·ms nι′łse·ks. qałsaq.!a′łe·łqana′x̣e·. ta′x̣as qakι′łne·: “qa′psin pι′k!ak na huqa′x̣e·ts nanqa·kqa′ₐne·ts kιnłao·‵k!qwa·′qka.” tsukᵘa′te· no′ᵤkwe·sts nʼaqtsx̣o′ʼune·. neᵢ tsukᵃ′te·ts paₐtsιnmι′te·. ta′x̣as ts!ιna′x̣e· qa·na′x̣e·ts skιkts!łanu′kse·. qaox̣ałit!namι′te· sι′t!e·s. nʼιtx̣o′ᵤmekʽ. neᵢsts haqa′ₐke·ts nʼιła′ʼne·. qake′ᵢne·, qało′ᵤkᵢne·:
“Hałma′ʼtᵢmu x̣a′łtsιn q!uta′ptseᵢk mιs·quło′ᵤwo·m ha·haho′ya; we·s, wιs, wιs.”
Nułpałnιtι′tᵢne· nało·kmι′se·. nukᵤninmι′tek. tseᵢkałitι′tᵢne·ts ło′ᵤse· qa′psins. “ha·, ko·qa′łᵤwey ksło′kᵤme·ts tsιn ksłʼaka′qa o·′k!ᵘqᵤna kyuna′qa aₐʽq!utsa′ne·k k.ło′ᵤła.” łaιtx̣o′ᵤme·k. qawunikι′t.se· ła·ułpałnιtι′tᵢne· łahałukᵤmι′se·. łao·knuqkupq!ała′ʼmne·. nʼu′px̣ₐne· peι′k!aks słwa′se· nι′łse·ks pał sιłmιtyax̣na′pse·. nιt!ιnmuqkupno·x̣un·qa′m·e·k. nutsιnqkupekι′m·e·k. qananuta′pse·. ta′x̣as q!awats!ι′nme·k. ta′x̣as słuk.łu′kᵤne·. tsx̣a′n·e· skι′n·ku·ts, qake′ᵢne·: “qa′ła k!un·aqało·qniya′x̣nu.” qakiłι′łne·: “so′ᵤkᵤne·, paₐt!, qaqa′qna·nʼ qo′ᵤka·nʼ na ka′min.” nʼoqosaq!max̣o′ᵤme·k. ta′x̣as wa′x̣e· nι′łse·k. nʼu′px̣ₐne· neᵢs kιłsaosa′qa·ps. nako′ᵤne· nι′łse·k neᵢs aₐʽquł·u′qpko·ps. tsιk!k!o′ᵤne·. nutsιnqkupekι′me·k skι′n·ku·ts. ła·ts!ιna′x̣e·. qawułe′ᵢt.se· ła·psq!awats!ι′nme·k; łatsx̣a′ₐne·; qake′ᵢne·: “ka·kιnaqasaqa′łqa nϋpι′k!a; husłιłq!o′kᵤne·.” qakiłι′łne·: “paₐt!, tsιn qaqa′qₐna·nʼ qo′ᵤka·nʼ na ka′min.” tseᵢka′te·ts nʼι′nse· no′ᵤkwe·sts ta′x̣as kuna′x̣e·ts nʼo‵qosaq!max̣o′ᵤme·k. ta′x̣as wa′x̣e· nι′łs·ek. nako′ᵤne·ts tsιk!k!o′ᵤne· neᵢs no′ᵤkwe·ʼs. nιt!ιnmuqkupno·x̣un·qa′me·k skι′n·ku·tsts nutsιnqkupekι′me·k. qa·na′x̣e·ts qawułe·′t.se· ła‵psιłq!awats!ι′nme·k. łatsx̣a′n·e·: “pι′k!ak huła·psłιłq!o′kᵤne·.” tsx̣anamι′sᵢne·, qakiłι′łne·: “ł\A′n·a na qawa′kanʼ na ka′min.” nʼι′nse· t!a‵pιswukna′na·. nʼoqo‵ᵤsaq!max̣o′ᵤme·k. łax̣a′x̣e· nʼι′nse· t!a‵pιswukna′na·s. nʼoqo‵ᵤsaq!max̣o′ᵤme·k. łax̣a′x̣e· nι′łse·k. naₐko′ᵤne·. qawuk!o′ᵤne·. ta′x̣as qatałʼιsk!o′ᵤne· neᵢs t!a‵pιswukna′na·s. sιłqa′ₐło·qałnu′k!ᵤne· nι′łse·s. qake′ᵢne·
