[8]
Grown bold, he preſs'd to ſtay a' night,
then gript me cloſs unto his breaſt,
Hout lad! my Mither fair wou'd ſlyte,
gif that I grant without the Prieſt;
Sae gang for him, gif ye be leel,
I ken then right what I maun do,
For aſk to kiſs me when you will,
'twill be, yes, love, and I thank ye too.
FOR THE LOVE OF JEAN.
JOCKY ſaid to Jeany, Jeany, wilt thou do't?
Ne'er a fit, quo' Jeany, for my tocher-good,
For my tocher good, I winna marry thee,
E'ens ye like quo' johnny, ye may let me be.
I hae gowd and gear, I hae land enough,
I hae ſeven good owſen ganging in a pleugh,
Ganging in a pleugh, and linking o'er the lee,
And gin ye winna tak me, I can let you be.
I ha'e a good ha' houſe, a barn and a byer,
A ſtack afore the door, I'll mak a rantin fire,
I'll mak a rantin fire, and merry we ſhall be:
And gin ye winna tak me, I can let ye be.
Jeany ſaid to Jocky, gin ye winna tell,
Ye ſhall be the lad, I'll be the laſs myſell;
Ye're a bonny lad, and I'm a laſſie free,
Ye're welcome to tak me than to let me be.
GLASGOW,
Printed by J. & M. ROBERTSON, Saltmarket,
1802.
