Page:Laws of the Earliest English Kings.djvu/20

ÆTHELBERHT

Þis syndon þa domas, þe Æðelbirht cyning asette on Augustinus dæge.

1^[1]. Godes feoh ⁊ ciricean XII gylde. Biscopes feoh XI gylde. Preostes feoh IX gylde. Diacones feoh VI gylde. Cleroces feoh III gylde. Ciricfriþ II gylde. Mæthl friþ^[2] II gylde.

2. Gif cyning his leode to him gehateþ, ⁊ heom mon þær yfel gedo, II bóte ⁊ cyninge L scillinga.

3. Gif cyning æt mannes ham drincæþ, ⁊ ðær man lyswæs hwæt gedo, twibote gebete.

4. Gif frigman cyninge stele, IX gylde forgylde.

5. Gif in cyninges tune man mannan ofslea, L scill' gebete.

6. Gif man frigne mannan ofsleahþ, cyninge L scill' to drihtinbeage.

7. Gif cyninges ambihtsmið oþþe laadrinemannan^[3] ofslehð, meduman leodgelde forgelde.

8. Cyninges mundbyrd L scillinga.

9. Gif frigman freum stelþ, III gebete, ⁊ cyning age þæt wite ⁊ ealle þa æhtan.

10. Gif man wið cyninges mægdenman geligeþ, L scillinga gebete.

11. Gif hio grindende þeowa sio, XXV scillinga gebete. Sio þridde XII scillingas.

1. The numbers of the chapters are not found in the MS.
2. M...friþ. H. Letters between M and f erased. Mæthl frið is found in a copy of H (Cotton Julius C II) made in 1589 [Libermann].
3. So Hickes. Written as three words. H.