Wið utsihte, genim hænne æg, lege twa niht on eced, gif hit ne tocine, tosleah hwon, lege eft in ðone eced nyhterne, gesleah þonne in buteran, lege in ele, ado þonne hwon ofer fyr, syle etan.
Eft wið þon, hunig & hwætesmedman & unsylt smeoru & wex, wyl eall tosomne, syle etan gelome. Wyll wið ðon miclan eorðnafolan & fifleafan & gyðhrofan & gearwan & eferþon & eoforfearn & moldcorn & medewyrt fol. 143 a.neoðewearde, drinc gelome. Scæf efic wið þone bol in meolc, & þige wærlice, & seoð ealle ða in meolce, & hwilum þa meolc geren mid cyslybbe & ðige hy. Wyrc utyrnendne drænc, genim fif & hundeahtatig lybcorna & neogon piporcorn, fiftene sundcorn wel berended, cnuca smale, do sealt in & wyrmelan, mæng tosomne & gnid swiðe þæt hit sy þæt smælste, geworht to duste, genim scæncbollan fulne leohtes beores, oððe hluttor eala wel gesweted oððe gesweted win, mængc ða wyrta þærwið geornlice, læt stondan nihterne, hrer hine eft on mergen þonne he fol. 143 b.hine drincan scyle swiðe wel, & ða wyrte geornlice wið þone wætan gemengce, drince þonne.
