A GROCERS' BILL.
The following goods I ha'e to sell,
Baith halesale and retail:
An' gif ye'll come down whar I dwell,
Ye'll get baith will and wail.
The teas are fresh, the spirits good,
As e'er ran through a filler;
But syne, it's to be understood,
I deal for ready siller.
Finest flavour'd auld French brandy,
Sugar loaves, baith great and sma'
Cinnamon and sugar candy,
Sa't an' starch, like driven sna'.
Sparklin' port, and sbinin sherry.
Glad'nin', genuine, gen'rous wine,
Fit to cheer and mak' ye merry.
When a bottle ye inclinc.
China oranges an' raisins,
Curran's, almon's, figs, an' prunes.
Foreign fruits in a' their seasons,
Tumblers and neat toddy spoons.
Common, stale, and stamic carvie,
Qrange peel an' lemon skin.
Caller eggs, frae Willie Garvie,
Some twa youks, an' some but ane.
Pack thread, penny cord an' lashes,
Durham mustard, superfine,
Soap, wi' pot an' pearl ashes.
Vinegar, the best champaigne.
Great variety o' brushes,
Fit for bakers, claise or hats,
Chrystal salts, an' sugar dishes,
Cruets, fountains, mustard pats.
Acquavitae, auld an' bellin'.
That will rouse ye'r drousie heart,
Mak' ye crouse, ilk care dispellin'.
To bell the cat wi' Bonaparte.
A' kin kinds o' foreign spirits,
Fit for toddy, punch or dram,
If ye want wha's guid, then here its.
Pork, beef, or mutton ham.
Orders sent in frae the country,
I'll attend wi' muckle care.
Either frae poor folk or gentry,
Sae just now, I'll say nae mair.
