Page:Narrative of a survey of the intertropical and western coasts of Australia, Volume 2.djvu/561

numerosissima patula, apicibus arcuato-recurvis, lorea, solida, ancipitia apice teretiusculo, novella undique tecta pilis adpressis strictis acutis lævibus, angulis lateralibus et ventrali retrorsum scabris. Pedunculi numerosi teretes 8—12-pollicares crassitie digiti, vaginis integris brevibus imbricatis hinc in foliolum subulatum productis tecti. Capitulum globosum, floridum magnitudine pruni minoris, fructiferum pomum parvum æquans. Flores undique densè imbricati, tribracteati, sessiles. Bractea exterior lanceolata brevè acuminata planiuscula erecta, extus villosa intus glabra, post lapsum fructus persistens: duœ laterales angusto-naviculares, acutissimæ, carina lateribusque villosis, longitudine fere exterioris, simul cum perianthio fructifero, separatim tamen, dilabentibus. Perianthium sexpartitum regulare subæquale glumaceum: foliola lanceolata acutissima disco nervoso nervis immersis simplicissimis, antica et postica plana, lateralia complicata lateribus inæqualibus, omnia basi subangustata, extus longitudinaliter sed extra medium præcipue villosa, intus glaberrima, æstivatione imbricata. Stamina sex subæqualia, ætivatione stricta filamentis sensim elongantibus: Filamenta fere hypogyna ipsis basibus foliolorum perianthii quibus opposita leviter adhærentia, filiformia glabra teretia: Antheræ stantes, ante dehiscentiam lineares obtusæ filamento paulo latiores, defloratæ subulatæ vix crassitie filamenti, loculis parallelo-contiguis connectivo dorsali angusto adnatis, axi ventrali longitudinaliter dehiscentibus, lobulis baseos brevibus acutis subadnatis: Pollen simplex brevè ovale læve. Pistillum: Ovarium sessile disco nullo squamulisve cinctum, lanceolatum trigono-anceps villosum, triloculare, loculis monospermis. Ovula erecta fundo anguli interioris loculi paulo supra basin suam inserta, obovata lenticulari-compressa, aptera: Testa in ipsa basi acutiusculâ foramine minuto perforata: Membrana interna respectu testæ inversa, hujusce nempe apici lata basi inserta, ovata apice angustato aperto foramen testæ obturante: Nucleus cavitati mcmbranæ conformis, ejusdem basi insertus, cæterum liber, pulposus solidus, apice acutiusculo lævi aperturam membranæ internæ attingente. Stylus trigonus strictus, infra villosus, dimidio superiore glabro, altitudine staminum, iisdem paulo præcocior, exsertus nempe dum illa adhuc inclusa. Stigmata tria