7
Or hae ye taen him to your hame,
To mak' claes for yersel' or wean?
An' bottle by his side has lain,
O reemin nappy,
That Jamie ilka noo and then
Micht tak' a drappy?
For Jamie weel could use the thumle,
An' was wi' needle aye fu' nimle,
An' ne'er about the price wad grumle
O‘ ony job;
But aft wad drink until he'd tumle
Clean aff the broad,
But noo, alas! puir Jamie's gane,
Like mony mae, to his lang hame;
An' in the cauld kirk yard is lain
Past a remeid,
Nae mair for to return again,
Sin' he is dead.
Nae mair about the corse ye'll see him,
Nae mair a bawbee will ye gie him,
Nae mair his hat he'll gar flee frae him
Upon the street,
An' cry, Noo Jamie Gemmell gie them
The tailor's leap.
But noo I maun lay down my pen,
An' to my verses mak' an en',
Whaure'er he's gaen weel may he fen,
An' let ilk chiel
Unto this prayer say amen.
Sae fare ye weel.
