2. "Dein gnädig or nayg her zu mir,
erhoer mein beth, thu dich herfiir,
eyl bald mich zuerretten.
In angst vnd wee
ich lig vnd steh,
hilff mir in meinen nötten.
3. "Mein Gott vnnd schirmer, steh mir bey,
sey mir ain burg, darinn ich frey
vnd ritterlich mög streytten
Wider mein feynd,
der gar vil seind
an mich auff bayden seytten.
4. "Du bist mein sterck, mein felsz, mein hort,
mein schildt, mein krafft, sagt mir dein wort,
mein hilff, mein hayl, mein leben,
Mein starcker Got
in aller not:
wer mag mir wider streben?
5. "Mir hat die welt trüglich gericht
mit liegen vnd mit falschem dicht
vil netz vnd haimlich stricken:
Herr, nymm mein war
inn diser gfar,
bhiit mich vor falschen tücken.
6. "Herr, meinen gayst beuilch ich dir,
mein Got, mein Got, weich nit von mir,
nimm mich in deine hende!
O warer Gott,
ausz aller not
hilff mir am letsten ende!
7. "Glori, lob, ehr vnd herligkait
sey Got vatern vnd sun berayt,
dem hailing gayst mit namen.
Die gottlich krafft
mach vns syghafft
durch Jesum Christum,Amen."
