Johnny was a Joiner gude,
Nane could weild a plane like Johnny.
Lizzie ⟨Painch⟩ was Johnny’s wife,
An’ silly ⟨Matty⟩ was her mither.
Sic a wife as Johnny had,
I wadna gie a button for her.
Johnny was ance ha’f in love,
His fancy was by beanty haunted;
Heaven shone in Johnny’s ee—
But no the heaven Johnny wanted;
For Johnny courted Lizzie Painch,
’Cause Lizzie Painch she had the sillo
Bnt sic a wife as Lizzie Painch,
I wad na gie a button for her.
Lizzie’s face was like the moon,
Her shouthers maist as braid as Samson’s
Her very picture’s like the sign,
That hings aboon auld Robin Tamson’s,
But deil a prin does Johnny care,
Were Lizzie like the witch of Endor;
Johnny fattens on her gear—
He wadna gie a button for her.
THE BLUE EE’D LASSIE.
I Gaed a waefu’ gate yestreen,
A gate I fear I’ll dearly rue,
