place a trencher for him—"as for eating—lack-a-day, we are just killed up yonder wi' eating frae morning to night—it's shamefu' epicurism; but that's what we hae gotten frae the English pock-puddings."
"Hout—never mind the English pock-puddings," said Luckie Lightbody; "try our puddings, Mr Balderstone—there is black pudding and white-hass—try whilk ye like best."
"Baith gude—baith excellent—canna be better; but the very smell is eneugh for me that hae dined sae lately (the faithful wretch had fasted since day-break.) But I wadna affront your housewifeskep, gudewife; and, wi' your permission, I'se e'en pit them in my napkin, and eat them to my supper at e'en, for I am wearied of Mysie's pastry and nonsense—ye ken landward dainties aye pleased me best, Marion—and landward lasses too—(looking at the cooper's wife)—Ne'er a bit but she looks far better than when she married Gilbert, and then she was the bonniest lass in our
