This page has been validated.
5
THE LOVELY LASS OF INVERNESS.
The lovely lass o' Inverness,
Nae joy nor pleasure can she see;
For e'en and morn she cries, Alas!
And ay the saut hear blins her e'e.
Drumossie moor, Drymossie day,
A waefu' day is it to me;
For there I lost my father dear,
My father dear and brethern three.
Their winding sheet the bludy clay,
Their graves were growing green to see,
And by them lies the dearest lad
That ever blest a woman's e'e!
Now wae to thee thou cruel lord,
A bludy man I trew thou be;
For mony a heart thou has made sair,
That ne'er did wrang to thine or thee.
HAD I THE WYTE SME BAD ME.
Had I the wyte, had I the wyte,
Had I the wyte she bade me?
She watch'd me by the hiegate side,
And up the loan she show'd me.
