Facile credo, plures esse Naturas invisibiles quam visibiles in rerum universitate. Sed horum omnium familiam quis nobis enarrabit? et gradus et cognationes et discrimina et singulorum munera? Quid agunt? quæ loca habitant? Harum rerum notitiam semper ambivit ingenium humanum, nunquam attigit, Juvat, interea, non diffiteor, quandoque in animo, tanquam in Tabulâ, majoris et melioris mundi imaginem contemplari: ne mens assuefecta hodierniæ vitæ minutiis se contrahat nimis, & tota subsidat in pusillas cogitationes. Sed verltati interea invigilandum est, modusque servandus, ut certa ab incertis, diem a nocte, distinguamus.
T. Burnet: Archæol. Phil. p. 68.
