to try if he will do aught to build them up again. He's weel kenn'd a skilfu' man ower a' the country, as far as Brough under Stanmore."
"Bide a wee, my bairn; mind his benefits havena thriven wi' a' body. Jock Howden died of the very same disorder Elshie pretended to cure him of, about the fa' o' the leaf; and though he helped Lambside's cow weel out of the moor-ill, yet the louping-ill's been sairer amang his sheep than ony season before. And then I have heard he uses sic words abusing human nature, that's like a flying in the face of Providence; and ye mind ye said yoursel, the first time ye ever saw him, that he was mair like a bogle than a living thing."
"Hout, mother," said Hobbie, "Elshie's no that bad a chield; he's a grewsome spectacle for a crooked disciple, to be sure, and a rough talker, but his bark is waur than his bite; sae, if I had anes