should be wrecked a' thegither—Sae I was thinking—But de'il hae me, that I should say sae," continued he, checking himself, "if I can bring mysel to ask a favour of ane that winna sae muckle as ware a word on me, to tell me if he hears me speaking till him."
"Say what thou wilt—do what thou wilt," answered the Dwarf from his cabin, "but begone, and leave me at peace."
"Weel, weel," replied Elliot, "since ye are content to hear me, I'se make my tale short.—Since ye are sae kind as to say ye are content to lend me as muckle siller as will stock and plenish the Heughfoot, I am content, on my part, to accept the courtesy wi' mony kind thanks; and troth, I think it will be as safe in my hands as yours, if ye leave it flung about in that gate for the first loon body to lift, forbye the risk of bad neighbours that can win through steekit doors and lock-fast places, as I can tell to my cost. I say, since ye hae sae muckle consideration for me, I'se
