just make me a minute, or missive, in ony form ye like, and I'se write it fair ower, and subscribe it before famous witnesses. Only, Elshie, I wad wuss ye to put naething in't that may be prejudicial to my salvtion; for I'll hae the minister to read it ower, and it wad only be exposing yoursel to nae purpose. And now I'm ganging awa', for ye'll be wearied o' my cracks, and I am wearied wi' cracking without an answer—and I'se bring ye a bit o' bride's-cake ane o' thae days, and maybe bring Grace to see you. Ye wad like to see Grace, man, for as dour as ye are—Eh, Lord! I wish he may be weel, that was a sair grane! or, maybe, he thought I was speaking of heavenly grace, and no of Grace Armstrong. Poor man, I am very doubtfu' o' his condition; but I am sure he is as kind to me as if I were his son, and a queer-looking father I wad hae had, if that had been e'en sae."
Hobbie now relieved his benefactor of
