"The mair's the pity, the mair's the pity," said the old man. "Your father, and sae I have aften tell'd you, maister, wad hae been sair vexed to hae seen the auld peel-house wa's pu'd down to make park dykes, and the bonny broomy knowe, where he liked sae weel to sit at e'en, wi' his plaid about him, and look at the kye as they came down the loaning,—ill wad he hae liked to hae seen that braw sunny knowe a' riven out wi' the pleugh in the fashion it is at this day."
"Hout, Bauldie," replied the principal, "take ye that dram the landlord's offering ye, and never fash your head about the changes o' the warld, sae lang as ye're blythe and bien yoursel."
"Wussing your health, sirs," said the shepherd; and, having taken off his glass, and observed the whiskey was the right thing, he continued, "It's no for the like o' us to be judging, to be sure; but it was a bonny knowe that broomy knowe, and
