that", exclaimed Mause, greatly embarrassed, "but ane canna serve twa maisters; and, if the truth maun e'en come out, there's Ane abune whase commands I maun obey before your leddyship's. I am sure I wad put neither king's nor kaisar's, nor ony earthly creature's, afore them."
"How mean ye by that, ye auld fule woman?—D'ye think that I order ony thing against your conscience?"
"I dinna pretend to say that, my leddy, in regard o' your leadyship's conscience, which has been brought up, as it were, wi' prelatic principles, but ilka ane maun walk by the light o' their ain; and mine," said Mause, waxing bolder as the conference became animated, "tells me that I suld leave a',—cot, kale-yard, and cow's grass,—and suffer a', rather than that I or mine should put on harness in an unlawfu' cause."
"Unlawfu'?" exclaimed her mistress; "the cause to which you are called by your lawfu' leddy and mistress—by the
