no sae bien and comfortable as we were up yonder, yet life's life ony gate, and we're wi' decent kirk-ganging folk o' your ain persuasion, mother; there will be nae quarrelling about that."
"Of my persuasion, hinnie! waes me for thy blindness and theirs. O, Cuddie, they are but in the court of the Gentiles, and will ne'er win farther ben, I doubt; they are but little better than the prelatists themsels. They wait on the ministry of that blinded man, Peter Poundtext, ance a precious teacher of the Word, but now a backsliding pastor, that has, for the sake of stipend and family maintenance, forsaken the strick path and gone astray after the Black Indulgence. O, my son, had ye but profited by the gospel doctrines ye hae heard in the Glen o' Bengonnar from the dear Richard Rumbleberry, that sweet youth, wha suffered martyrdom in the Grassmarket, afore Candlemas! Didna ye hear him say, that Erastianism was as bad as prelacy, and that
