born is called upon to defend, for his own sake and that of his countrymen."
"Hegh, sirs!" replied Cuddie, "it wad hae been lang or my Leddy Margaret, or my mither either, wad hae found out sic a wiselike doctrine in the Bible! The tane was aye graning about giving tribute to Cæsar, and the tither is as daft wi' her whiggery. I hae been clean spoilt, just wi' listening to twa blethering auld wives; but if I could get a gentleman that wad let me tak on to be his servant, I am confident I wad be a clean contrary creature; and I hope your honour will think on what I am saying, if we were ance fairly delivered out o' this house of bondage, and just tak me to be your ain wally-de shamle."
"My valet, Cuddie?" answered Morton, "alas! that would be sorry preferment, even if we were at liberty."
"I ken what ye're thinking—that because I am landward bred, I wad be bringing ye to disgrace afore folk; but ye maun ken I'm gay gleg at the uptak; there was
