his keeping his face frae us, and speaking wi' a made-ike voice, sae I e'en tried him wi' some tales & lang syne, and when I spake of the brose, ye ken, he didna just laugh—he's ower grave for that now-a-days,—but he gae a gledge wi' his e'e that I kenn'd he took up what I said. And a his distress is about Miss Edith's marriage, and I ne'er saw a man mair tane down wi' true love in my days—I might say man or woman—only I mind how ill Miss Edith was when she first gat word that him and you (ye muckle graceless loon) were coming against Tillietudlem wi' the rebels.—But what's the matter wi' the man now?"
"What's the matter wi' me, indeed!" said Cuddie, who was again hastily putting on some of the garments he had stripped himself of, am I no gaun up this instant to see my maister?"
"Indeed, Cuddie, ye are gaun nae sic gate," said Jenny, coolly and resolutely.
"The de'il's in the wife," said Cuddie;
