THE TAXES. The tither night I ſet me down, conſulting what was beſt man, I fidgʻd abuut an claw'd my crown, an gae my limbs to reſt man; I took a wee bit bukie down, prefering what was guid man, It happened to be Tammie Thum, I gravely tried to read man. But ſcarce had I been ſeated right, till ſomething frae abeen man, Steed in atween me an the light, an glamour'd oer my een man; To gie my blintin peepins eaſe, I took a wee relax man, Cries Meg the name o' this diſeaſe, they ca it window tax man. A well ſays I, bring me a light, what better coud be done man, To lock the ſun up frae our ſight, the like was never ſeen man! A farthing light I bade them bring; that I might ſee mair clear man. So in they brought a wee bit thing juſt like a wheelin wire man!
Page:Taxes.pdf/2
