Chay Abah, xaꜭa chicop ꜭel, cuyuꜭh xulabalibeh rochoch ri ꜭaxtoꜭ cuma: querela xubinaah vi pan che Chiꜫohom ri xe yaloh ꜭa chiri, xaꜭa e cay xeruꜭaholah ri ꜫaꜫavitz, Caynoh rubi hun, Caybaꜯ rubi hunchic, e cay chi achi.
47. Xcam ꜭa ri ahauh ꜫaꜫavitz, ri ki xpe pa Tulan, ki ꜭa e ꜭhutik ꜭahola ri ka mama Caynoh, Caybaꜯ, ok xcam qui tata, xavi chiri xemuke vi can, chupam qui çakeribal Paraxone.
48. Bala ꜭa xeye vi e cay chiachi, xeul chiri quecha ꜭa ok xeul chiqui chin ꜫekaquch, Baꜭahol, Cibakihay: Mixoh ul, yxkatee, yxkanam, oh vae oh ꜫalel Xahil, ahuchan Xahil kohucheex, oh y ꜫalel, oh yvahpop. Ꜭi quecha ok xeul, mani ꜭa natal xepe vi vue pe he ret ri Çactecauh, ri xcam can chupam çivan ꜭhopiytzel; ꜭi xe cha chic e ka tata e ka mama, yxnuꜭahol.
49. Ꜭi nabey ꜭa xꜫaꜫar Tepeuh, rahaual Cauke. Cuztum ꜭhixnal ru bi huyu; xban vi ti xibin ru naual ri Tepeuh, tibirbot huyu ꜭo vi, xpatanih ꜭa ronohel amaꜫ chuvach Tepeuh.
50. He ꜭa ri ꜫalel Xahil ahucham Xahil xtakex quitzih ruma ꜫekaquch Baꜭahol: ꜭi xecha ri ꜫalel Xahil ahuchan Xahil; Que be tah ru nabey ka patan ri Caynoh, Caybaꜯ, oh ꜭoh oh yvahpop, ꜭi xecha chique chinamit, ꜭi xtakex ꜭa quitzih ruma chinamit.
