ꜭotbalcan. Xahauar ꜭa ahauh Alinam xahauar chiꜭa ahauh, Xttamer Çaquentol. Ok xoc chiꜭa ahauh ꜭhiyoc Queh ahꜫuꜫ. Haok xmolobax el ahauh ꜫalel Xahil Xulu ꜭatu chire ꜭechevinak, xax rah ru yac labal ahauh chiree xban vi pa ꜫinona; xban tzaloh chuvach tinamit ꜫinona; quereꜭa xya vi el ahauh Xulu ꜭatu ri cuma ahaua ꜭhiyoc Queh, Ttah ttah Akbal, he tan que ahauar, xax mani chi vi qui covil ahaua kitzih hoye qui vack xux hoye navipe ru vach vinak xux cuma.
67. Ok xcha ꜭa ahauh ꜭikab chique ahaua: Tilaꜫabeh chic y huyubal Chiavar, xeucheex ruma ahauh ꜭikab.
Caponibal chic Chiavar vae.
68. Ru tzih ahauh ꜭikab, tok xepon chic ka mama chuvi tinamit Chiavar ꜯupitaꜫah, xavi ꜭa xlaꜫabex can ronohel huyu ruma vinak, quere navipe xbe cuꜭin ahaua ok xquilaꜫabeh tinamit Chiavar, ru chi ꜭikab.
69. Xahauar chiꜭa ahauh Xitayul Hax. Xlaꜫaben ok tinamit Chiavar ok xahauar Xitayul Hax.
70. Ok xoc chiꜭa ahauh Xiquitzal chi ahauarem, tan e ꜭoh chiri chuvi tinamit Chiavar ꜭupitaꜫah; tan ꜭa ti ꜫaꜫar ahauh ꜭikab chi ahauarem, chila chuvi tinamit ꜫumarcaah chi Yzmachij, tan ti patanih ronohel amaꜫ chu vach.
71. Ruma ri tan tu cuch ri oxlahu ꜭhob chi ahlabal chiri ꜫumarcaah, ꜭa tahin ok tiqui hunamah ruvach qui ꜭha, qui pocob, xqui kaçax ꜭhuti amaꜫ nima amaꜫ,
