nu vach, mi xuꜭam ꜫaꜫal chu ꜭux chi Caoke utz ka bana labal ruꜭin, xecha ahaua. Cani ꜭa xhique ru camic Caoke, xbe achiha camiçay richin, kitzih ꜭa achih Caoke, ru nah xcam, ꜭa roxlah xka ru tinamit, xutih ru ꜫih Caoke oxlahuh chiꜫih, xban tzaloh, ok xka tinamit Paraxtunya cuma ka mama Oxlahuh ꜯij, Cablahuh Tihax, xcaminak ok ꜭa ronohel ri mixkabijh can.
Tok xban ꜭa yuhuh chi Yximche..
99. Vae xa vuleuh ri ru xe ꜭhaoh xtiquer Akahal vinak qui ꜭulel Tukuchee; xax ꜭot cavex Akahal vinak cuma Tukuchee; cani ꜭa xchapo ri xꜫaçin ri vinak tok xꜭot avex, tzam Chiꜭib xban vi oher ruma vinak.
100. Xaꜭa ꜫana vinakil quichin ahaua Cablahuh Tihax, Oxlahuh ꜭij ruma Tukuchee, ruma Akahal vinak, haꜭa tan cahaual Tukuchee ri Cay Hunahpu ru bi, atzih vinak Cavek, he navipe ri ahaua ꜭiria Yyu, Toxꜭom Noh qui bi; xaꜭa xret vachih ru ꜫaꜫal ri ahauh Cay Hunahpu, xa ꜭiy ral ruꜭahol, xaꜭa maqui xya Akahal vinak chi camic chirichin ruma Ahpopçoꜯil Ahpopxahil, camel tah Akahal vinak chu ꜭux Cay Hunahpu; quereꜭa xebe vi chirih ahauh Cablahuh Tihax, Oxlahuh ꜯij ruma Cay Hunahpu, xax ruꜭin vi ꜭa xcako ruvach chire Ahpopçoꜯil Ahpopxahil, xata ruyon xahauar xraho ahauh. Tok xnimatah ꜭa ꜭhaoh cuma ahaua, ha ahauh Cay Hunahpu ki xahoon ru banic yuhuh, ha ꜭari ahauh Cay Hunahpu kitzih labal ruꜭux, xax maqui chivi xraho ahauh xelahibex ruvach cuma ahaua, Oxlahuh ꜯij, Cablahuh Tihax, xa nima tahinak chic ahauh, tok xelahibex ruvach, he maqui yuhuh cahoom ahaua alꜭahol, pokon
