XXVII. ASPHODELEÆ, Juss.
1. CHRYSOBACTRON, Hook. fil.
Dioicum. Flores racemosi. Masc. Perianthum corollinum, hexaphyllum; foliola patentia, æqualia, ovato-oblonga, obtusa, medio incrassata. Stamina 6, hypogyna; filamenta elongato-subulata, perianthio breviora, nuda; antheræ versatiles. Ovarium ovatum, acuminatum, trisulcatum, vacuum. Flor. fœm. Perianthium ut in fl. masc., sed foliolis post anthesin erectis, demum deciduis. Stamina 6, antheris incompletis. Ovarium late ovatum, profunde trisulcatum, triloculare, lobis dorso canaliculatis, loculis bi- rarius uniovulatis. Ovula, ubi 2, collateralia, funiculis brevibus infra apicem loculi angulo interiori suspensa. Stylus validus, erectus, teres. Stigma capitatum, parvum, obscure 3—6-lobum. Capsula ovata, trilocularis, loculicide trivalvis; valvæ coriaceo-submembranaceæ, intus medio septiferæ. Semina loculis plerumque bina, collateralia, triquetra; testa atra, sub-crustacea; albumen corneum; embryo axilis, paulo curvatus, albumine parum brevior; radicula incrassata.—Herba speciosa, elata, perennis, Aucklandica, et in insula Campbell proveniens. Radix elongata, tuberibus elongatis fasciculatis donata. Folia late ensiformia, basi vaginantia. Scapi solitarii v. plurimi, pedales et ultra. Flores racemosi, aurantiaci.
1. Chrysobactron Rossii, Hook. fil. (Tab. XLIV. & XLV.)
Radix, rhizoma horizontale seu perpendiculare, crassum, carnosum, 1—2 unc. longum, pollicis humanæ et ultra diametr., transverse rugosum, hic illic constrictum, atrum, tubera elongata, fasciculata undique emittens. Tubera cylindrica, 2—3 uncialia, carnosa, atro-fusca, crassitie pennæ anserinæ, fibris crassis intermixta. Collum validum, brevissimum, simplex v. rarius bi- triceps, tuberibus minoribus, horizontaliter patentibus circumdatum. Caulis nullus. Folia plurima, circiter 12—16, omnia radicalia, erecto-patentia, inferiora horizontalia v. recurva, elongata, interdum bipedalia, lato-ensiformia, 2—4 unc. lata, integerrima, obtusa v. subacuta, superne præcipue concava, plurinervia, nervis approximatis et venis transversis inconspicuis reticulata, læte viridia, nitida, subtus pallidiora, crassa, herbacea, basi longe vaginantia; vaginis 3—4 unc. longis, integris, striatis; ore obliquo submembranaceo; sinu obtuso. Scapi solitarii vel non raro plurimi, 6—8, erecti, validi, pedales, ¼—½ unc. diametr., striati, ad apices canaliculati, intus spongiosi, fructiferi et anni præteriti emarcidi, fistulosi, dealbati. Racemi conspicui, erecti, 4—7 unc. longi, 1½—2 unc. diametr.; masculi breviores, subconico-ovati, pedicellis nempe florum inferiorum elongatis, horizontales, apice attenuati, subacuti; fæminei elongati, cylindracei, obtusi, paulo angustiores; rachis infra pedicellos sulcata, sæpe medio turgida, vacua, vel per totam longitudinem fistulosa. Flores numerosissimi, conferti, pedicellati, odore suavi. Pedicelli graciles, ½—1 unc. longi, in floribus fœmineis suberecti, fructiferi subincrassati, erecti, basi bracteolati. Bracteolæ lineari-elongatæ, obtusæ v. subacuta?, pedicellis nunc longiores, sed sæpius abbreviatae, foliaceæ, floribus concolores. Perianthium corollinum, hexaphyllum, aureum, 3—4 lin. diametr.; foliola lineari-oblonga, v. oblongo-ovata, supra medium paulo contracta, costa paulo incrassata e nervis 3 approximatis, valde inconspicuis formata, 3 interiora vix ac ne vix minora, floribus masculis patentia, ad apices subincurva, fœmineis erecto-pateutia, post anthesin erecta, capsulæ immaturæ appressa, dein decidua. Stamina 6, foliolis perianthii opposita, iis breviora, hypogyna, erecto-patentia; filamenta valida, elongato-subulata, teretia, glaberrima; antheræ versatiles, oblongæ; loculis parallelis, contiguis, rimis longitudinalibus dehiscentibus; in floribus fœmineis imperfectis, vacuis. Pollen flavum, ovoideum, longitudinaliter bi- vel trisulcatum. Ovarium, fl. masc., elongato-ovatum, trisulcatum, apice acutum v. trifidum, una cum perianthio marcescens et deciduum; fl. fœm. late ovatum, turgidum, 2 lin. longum, obscure trigonum, angulis obtusis, 3-sulcatum, 3-loculare; loculi 2-rarius 1-ovulati; ovula collateralia, ex angulo interno infra apicem loculi orta, funiculis brevibus suspensa. Stylus terminalis, erectus, validus, teres, longitudine ovarium æquans, stigmate parvo, sub-capitato, obscure 3—6-lobato terminatus. Capsulæ late ovata, 3—4 lin. longæ, submembranaceæ, 3-loculares, localicido trivalves; valvæ ellipticæ, dorso canaliculatæ; dissepimenta membranacea. Semina elliptico-ovata, triquetra,
