be ordained, be the Alderman, and the Baillies, ane leill man sworne to mette all gudes, sellable be the Water-mette, alsweill coales or uther gudes. And that the sellares, or nane of their behalfe, intromet them in the metting of sik gudes.
59. Ferriers and Boate-men suld have Brigges.
ITEM, It is statute and ordained, that all Boate-men and ferryares, quhair Horse are ferryed, sall have for ilke boate a treene-brigge, quhair-with they maie receive within their Boates, travellers Horse through the Realme, un-hurte and unskaithed, under the paine of fourtie shillinges of ilk boate, fra Whit-sundaie foorth nixt to cum.
60. Of the maner of Weaponschawinges.
ITEM, It is ordained in the Second Parliament of OUR SOVERAINE LORDE the King, that ilke Schireffe of the Realme soulde gar Weaponshawinges be maid foure times ilke zeire, in als monie places as were speedeful, within his Bailliarie; bot the maner how Weaponschawinges sulde be received was not appoynted: Herefore OUR LORDE The King, throw the haill ordinance of his Parliament, statutis, that ilke Gentle-man, havand ten pounds woorth of land or mair, be sufficientie harnishied and armed with Basnet, haill legge Harnes, sworde, speare, and dagger: and Gentlemen havand lesse extentes of Landes, nor na landes, sall be armed at their gudlie power, after the discretion of the Schireffes, bot all uther zeamen of the Realme, betuixt xvj. and sextie zeirs, sall be sufficientie bowed and schafted, with sword & buckler & knife: And that all the Burgesses & indwellers within the Burrow tounes of the Realme in like maner be anarmed and harnished, & make Weaponshawinges within the Burrowis of the Realme in like maner, foure times in the zeir, & that be the Aldermen and Baillies, upon the quhilk the Chalmerlane and his Deputes sall knaw and execute the said thinges. And that all men Seculares of the Realme, be weill purvayed of the said harnes & weapones be the feast of the Nativitie of our Lord Jesus Christ nixt to cum, under the paines followand: That is to say, of ilk Gentleman that defaultis at the first weaponshawing fourtie schillinges, and at the other default fourtie schillinges, and at the thrid default, ten punds, and alsmeikle als oft-times as he defaultis after-ward: And of ilk bow-man at the first faulte ten schillinges, at the other default ten schillinges, and at the thrid fourtie schillinges. And swa furth als oft-times as he beis funden faultife afterward.
61. Na man suld passe in Ireland without licence.
ITEM, As to the passage betuixt Scotland and Ireland, it is seene speedful to the Kingis Councel, that bidding be given be the King to all the Lordes, Schireffes, and all uther Officiares, upon the Frontiers of SCOTLAND, lying against IRELAND: that na Schipes, nor Gallayes, nor na man passe out of this land to IRELAND, without special leave of the Kingis Deputes, that sall be ordained to ilk Haven: And for twa causes, and principallie, sen the Kingis notoure Rebelloures are receipt in Irishrie in Ireland, and for that cause Passingers passed fra thine, micht do prejudice to this Realme; an uther cause is, that the men that are under Irishrie subject: to the King of England, micht espy the privities of this Realme, and do great skaith, as is befoir written.
62. Scottis-men suld bring na man furth of Ireland, without ane Testimonial.
ITEM, It is sene speedful, that gif onie Schip-man of Scotland passis with letters of the Kingis Depute in Ireland, that he receive na man into his Schip to bring with him to the Realme of Scotland bot gif that man have ane letter or certainetie of the Lord of that land, quhair he schippis, for quhat cause he cummis in this Realme.
63. Anent Ireland men cummand in Scottis Schippes.
ITEM, That quhen he cummis in onie Haven of Scotland, that he ryde on anker, and hald within shipburid all men that he bringis with him, quhill he send for the Kingis Baillie, or a Depute of the Toune of the Haven, that he cummis in, that then men may examine and see of the Kingis behalfe their persones, and quhat charge they have be letter or uther way, quhidder it be profite or prejudice to the King, or the Kinrik: And gif onie prejudice of the deede be founden, they fall be arreisted, and presented to the Schireffis prison, quhill the King have done his will on them.
64. The statute anent Ireland men.
ITEM, That it be maid manifest be the Kingis Deputes upon the Frontiers, that is not done for hatred, nor breaking of the auld friendshippe betuixt the King of Scotland and his Liegis: and the gude aulde friendshippe of Irishie of Ireland: Bot allanerlie to eschew the perrel foresaide. And gif onie man attempts in the contrarie of this, his gudes fall be escheit to the King, and his bodie at the Kingis will.
