His Epitaph at Westminster:
Herefordiæ conduntur Offa,
Hoc in Delubro statuitur Imago,
Britanniam omnem pervagatur Fama
JOHANNIS PHILIPS:
Qui Viris bonis doctisque juxta charus,
Immortale suum Ingenium,
Eruditione multiplici excultum,
Miro animi candore,
Eximiâ morum simplicitate
Honestavit.
Litterarum Amœniorum sitim,
Quam Wintoniæ Puer sentire cœperat,
Inter Ædis Christi Alumnos jugiter explevit.
In illo Musarum Domicilio
Præclaris Æmulorum studiis excitatus,
Optimis scribendi Magistris semper intentus,
Carmina sermone Patrio composuit
A Græcis Latinisque fontibus feliciter deducta,
Atticis Romanisque auribus omnino digna,
Versuum quippe Harmoniam
Rythmo didicerat.
Antiquo illo, libero multiformi
Ad res ipsas apto prorsus, & attemperato,
Non numeris in eundem ferè orbem redeuntibus,
Non Clausularum similiter cadentium sono,
Metiri:
Uni in hoc laudis genere Miltono secundus,
Primoque pœne Par.
