335
Lyk wyld and fearful waste
Of wavis and bollen sand,
Apperis the path I've tracit
Inwith my natif land:
Fra it I must depairt,
And fra al quhilk hed mie hert.
Fareweil to kith and kin,
Fareweil to luve untrew,
Fareweil to burn and lin,
Fareweil to lift sua blew—
Fareweil to banck and brae,
Fareweil to sang and glee—
Fareweil to pastyme gay,
Quhilk ance delytit me—
Fareweil thou sunny strand,
Fareweil ance kinde Scotland!
Fresch flouirs beare mie frend,
Unto mie earlie graive,
Thair bid them nevir dwyne,
But ower mie headstane waive;
Perchance to sume they'll wake
Remembrance o' mie dome—
And though fading, they maye make
Less lonesum-lyk mie tombe—
