172
The Sources of Standard English.
| Þanne she havede herd the stevene k | k voice | |
| Of þe angel uth of hevene. | ||
| She was so fele siþes l blithe, | l many times | |
| Þat she ne mithe hire joie my the.m | m moderate | |
| But Havelok sone anon she kiste, | ||
| And he slep and nouth ne wiste. | ||
| Hwan þat aungel havede seyd, | ||
| Of his slep anon he brayd,n | n started | |
| And seide, ‘lemman, slepes þou? | ||
| A selkuth o drem dremede me nou. | o wondrous | |
| Herkne nou hwat me haveth met,p | p I dreamt | |
| Me þouthe y was in Denemark set, | ||
| But on on þe moste q hil | q greatest | |
| Þat evere yete kam i til. | ||
| It was so hey, þat y wel mouthe | ||
| Al þe werd r se, als me þouthe. | r world | |
| Als i sat upon þat lowe,s | s hill | |
| I bigan Denemark for to awe, | ||
| Þe borwes t and þe castles stronge; | t boroughs | |
| And mine armes weren so longe, | ||
| That i fadmede, al at ones, | ||
| Denemark, with mine longe bones. | ||
| And þanne u y wolde mine armes drawe | u when | |
| Til me, and hom for to have, | ||
| Al that evere in Denemark liveden | ||
| On mine armes faste clyveden.x | x clave | |
| And þe stronge castles alle | ||
| On knes bigunnen for to falle, | ||
| Þe keyes fellen at mine fet. | ||
| Anoþer drem dremede me ek, | ||
| Þat ich fley y over þe salte se | y flew | |
| Til Engeland, and al with me | ||
| Þat evere was in Denemark lyves,z | z alive | |
| But a bondemen, and here wives. | a except | |
| And þat ich kom til Engelond, | ||
| Al closede it intil mine hond. | ||
| And, Goldeborw, y gaf [it] þe. | ||
| Deus! lemman, hwat may þis be?’ |
