HOW YONGE MAYDENS OUGHT NOT TO TORNE THEIR HEEDES LYGHTELY HERE NE THERE
AFTER this, in sayeng to them, Be ye not like ne semblable the tortuse ne to the Crane, whiche torne their visage and the heede aboue their sholders, and wynde their hede here and there as a vane. But haue youre regarde and manere stedfast, lyke as the hare hath, which is a beest that seeth alwey to fore hym, even right forth, withoute tornyng of his hede here ne there. Alwey see that ye be stedfast in lokyng playnly to fore you; and yf ye wylle loke a syde, torne youre vysage and youre body to geder, and so shalle ye hold you in youre estate more ferme & sure. For they be mocqued that so lyghtely cast their sight and hede and torne their vysage here and there.36
