¶ The xj fable is of the fader and of the euylle ſone
He good and wyſe fader ought to
chaſtyſe his children in theyr yong
age / and not in theyr old age /
For thenne hit is moche dyffycyle
to make them bowe As to us
reciteth this fable / Of a fader of famylle /
whiche had a ſone / the whiche dyd no thynge
that he oughte to haue done / but euer was
goynge and playeng in the toune / And the
fader for the cryme and myſrewle of his ſone
brawled euer and bete his meyny / And ſayd to
them ſuche a fable / Of a ploughman or labourer
/ whiche bond a bole by the homes to
an oxe The booll wold not be bound / and
ſmote ſtrongly whith his feet after the man / and
launched his homes at hym / ¶ And at the laſt
whan he was bound / the labourer ſayd to them
I haue ioyned and bound you bothe to gyder /
to thende that ye doo ſomme labour / But I wyll
that the left of yow two / that is to wete the
boole / be lerned and corryged of the moſte /
whiche is the oxe / For I muſt ſayd the labourer
to