¶ The xv fable is of the wulf and of the dogge
yberte or freedome is a moche ſwete
thynge / as Eſope reherceth by
this fable / of a wulf and of a
dogge whiche by aduenture mette
to gyder / wherfore the wulf demaunded
of the dogge / wherof arte thow ſo
fatte and fo playſaunt / And the dogge anſuerd
to hym / I haue wel kepte my lordes hows / &
haue barked after the theues whiche came in the
hows of my mayſter / wherfore he and his meyny
gyue to me plente of good mete / wherof I am
fatte and playſaunt / and the wulf ſayd thenne
to hym / It is wel ſayd my broder / Certaynly
ſyth thow arte ſo wel atte thyn eaſe and fareſt ſo
wel I haue grete deſyre to dwelle with the / to
thende that thow & I make but one dyner / wel
ſayd the dogge / come on with me yf thow wylt
be as wel at thyn eaſe as I am / and haue thou
no doubte of no thynge / The wulf wente with
the dogge / and as they wente by the way / the
wulf beheld the dogges neck / whiche was al
bare of here / and demaunded of the dogge /
My broder why is thy neck ſo ſhauen / And the
