¶ The thirde fable is of the wulf and of the sheepherd and of the hunter
Any folke ſhewe themſelf good by
theyr wordes whiche are ful of
grete fantaſyes / As reherceth to
vs thys fable of a wulf whiche
fledde byfore the hunter/ and as
he fledde he mette with a ſheepherd / to whome
he ſaid my frende I praye the that thow telle
not to hym that folowith[errata 1] me whiche wey I am
gone / & the ſheep herd ſaid to hym haue no
drede ne fere nothynge / For I ſhalle not accuſe
the / For I ſhalle ſhewe to hym another way /
And as the hunter came / he demaunded of the
ſheepherd yf he had ſene the wulf paſſe / And
the hunter both with the heed and of the eyen
ſhewed to the hunter the place where the wulf
was / & with the hand and the tongue ſhewed
alle the contrarye / And incontynent the hunter
vnderſtood hym wel / But the wulf whiche perceyued
wel all the fayned maners of the ſheepherd
fled awey / ¶ And within a lytyl whylle
after the ſheepherd encountred and mette with
the wulf / to whome he ſayd / paye me of that
