¶ The thyrd fable is of the foxe and of the cocke /
Ftyme moche talkynge letteth / As
hit appiereth by this fable / Of a
foxe / whiche came toward a
Cocke / And ſayd to hym / I
wold fayne wete / yf thow canſt
as wel ſynge as thy fader dyde / And thenne
the Cock ſhette his eyen / and beganne to crye
and ſynge / ¶ And thenne the Foxe toke and
bare hym awey / And the peple of the towne
cryed / the foxe bereth awey the cok / ¶ And
thenne the Cocke ſayd thus to the Foxe / My
lord vnderſtandeſt thow not / what the peple
ſayth / that thow bereſt awey theyr cock / telle
to them / that it is thyn / and not theyrs/ And
as the foxe ſayd / hit is not yours / but it is
myn / the cok ſcaped fro the foxe mouthe / and
flough vpon a tree / And thenne the Cok ſayd
to the fox thow lyeſt / For I am theyrs and not
thyn / And thenne the foxe beganne to hytte
erthe bothe with his mouthe & heed ſayenge /
mouthe / thow haſt ſpoken to moche / thow
ſholdeſt haue eten the Cok / had not be thyn
